АҚСАЙ, Батыс Қазақстан облысы, 24 қазан 2021 жыл — «Қазнефть Петролеум» ЖШС (ҚНП) электриктер мен бақылау-өлшеу техниктерін кәсіби даярлау бағдарламасының басталғаны туралы хабарлады. Іріктеу нәтижелері бойынша бағдарламаға қатысу үшін 20 адамнан тұратын топ құрылды, оның ішінде Қазақстан Республикасының жоғары және орта арнаулы оқу орындарын жаңадан бітірген түлектері бар.

Бағдарламаны іске қосу салтанатына «Қазнефть Петролеум» АҚ-ның жоғары басшылығының өкілдері, оның ішінде адам ресурстары жөніндегі бақылаушы, кеніш менеджері және 2-бөлімшенің менеджері қатысты. Олар студенттерді оқу үдерісінің басталуымен құттықтап, жоғары оқу нәтижелеріне жетулеріне сәттілік тіледі.

ОПИТО Мұнай-газ академиясының халықаралық стандарттары негізінде жас мамандарды даярлау бағдарламасы «Қазнефть Петролеум» кәсіпорнында 14 жылдан бері сәтті жүзеге асырылып келеді. Осы бағдарлама аясында қазірдің өзінде 300-ден астам өндірістік операторлар мен жабдықтарға техникалық қызмет көрсету жөніндегі техниктер оқытылып, қазір компанияның өндірістік нысандарында жемісті еңбек етуде.

---